Дәүләкән "шайморатовсылары" Өфө музейҙары менән танышҡан

5 октябрҙә Дәүләкән лицей-интернатының 7-се "Шайморатовсылар" класы уҡыусылары баш ҡаланың бер нисә музейында булды.
Тәүгеләрҙән булып 112-се Башҡорт кавалерия дивизияһы музейында булдыҡ. Музейҙа легендар 112-се Башҡорт (16-сы гвардия) кавалерия дивизияһының тарихы һәм хәрби юлы менән бәйле экспозицияһында Башҡортостан Республикаһына арналған экспозиция менән танышты. Республикабыҙҙың брендтарының береһе булараҡ, башҡорт балы тураһында һөйләнеләр һәм хатта бал тәмләп ҡаранылар.

Һуңынан балалар Республика Хәрби Дан музейына юлланды. Уҡыусылар "Башҡортостан Икенсе донъя һуғышы йылдарында" һәм "Башҡортостандың интернационал яугирҙары" уникаль экспозицияларын, диорамаларҙы, һуғыш йылдарындағы көнкүреш әйберҙәрен, һалҡын ҡорал коллекцияларын, шәхси хәрби наградаларҙы, трофейҙарҙы, фронт көндәлектәрен һәм хаттарын, уникаль фото-документтарҙы һәм башҡа бик күп нәмәләрҙе ҡараны. Малайҙар Рейхстаг стенаһына үҙенең исемен яҙып торған яугир менән диорама менән һоҡланды.

Турҙы Башҡортостан Республикаһының Милли музейына барыу менән тамамланыҡ. Балалар тәбиғәт, археология, тарих һәм этнография бүлектәрендә булды. Шулай уҡ Совет майҙанындағы генерал-майор Миңлеғәле Шайморатов һәйкәле янында булдыҡ. Уҡыусыларға һәйкәлдең барлыҡҡа килеү тарихын һөйләнеләр.

https://vk.com/public198898611