Ауырғазы ҡыҙы Ҡытайҙа матурлыҡ конкурсында ҡатнаша

7 декабрҙән 25-енә тиклем Ҡытайҙа Miss Tourism World-2023 халыҡ-ара матурлыҡ конкурсы үткәрелә.

Башҡортостандан ошо абруйлы конкурста «Мисс Республика-2022» титулын яулаған Алина Ризуанова сығыш яһай. Һылыуҡайға 23 йәш, Ауырғазы районында тыуып үҫкән, Өфө фән һәм технологиялар университеты магистранты.

- Унда төрлө илдәрҙән 62 ҡыҙ ҡатнаша. Алина Башҡортостанды күрһәтә, төбәктәр исеменән беҙ һәм Ҡытайҙың ике төбәге генә, ҡалғандары - илдәр, - тип хәбәр итте «Башинформ»ға модель агентлығы етәксеһе Луиза Закирйәнова.

Конкурс ваҡытында проектта ҡатнашыусылар өсөн бай программа әҙерләнгән: фотоға төшөү, экскурсиялар, оҫталыҡ дәрестәре, шулай уҡ төрлө сараларҙа ҡатнашыу.

Гүзәллек конкурсы бик күп артистар һәм тамашасылар ҡатнашлығында, ил хөкүмәте булышлығында уҙғарыла.

https://www.bashinform.ru/news/culture/2023-12-20/na-konkurse-krasoty-v-kitae-bashkiriyu-predstavlyaet-23-letnyaya-studentka-3575791