"Ай, һылыу!"

Элиза Сөләймәнова.  Ейәнсура районы Башҡорт Үргене ауылынан.

“Мин 8 синыфта гел 5 билдәләренә өлгәшәм. Әҙәби китаптар уҡырға яратам, өй гөлләрен тәрбиәләйем, әсәйемә лә булышам.

Киләсәктә башланғыс класс уҡытыусыһы булғым килә, сөнки үҙемдән кеселәрҙе яратам.

Римма  Хөснөтдинова. Сургут ҡалаһынан.

“Мин 4-се синыфта тик яҡшы билдәләргә  генә уҡыйым. Буш ваҡытымда һүрәт төшөрөргә, китап уҡырға  яратам.  Мәктәптә үткән төрлө конкурстарҙа ихлас ҡатнашам.

Әсәйемдең алыштырғыһыҙ ярҙамсыһымын! “

Әлиә Мөһәмәтғәлина. Бөрйән районының Әбделмәмбәт ауылынан.

Мин 6-сы синыфта белем алам. Спорт менән шөғөлләнәм, китап уҡырға яратам, һүрәт төшөрәм. Миңә-12 йәш тулды. Әсәйемә һәм атайыма ярҙам итешәм.

Варвара Кочкина. Өфө ҡалаһы.

“Өфө ҡалаһының 269 балалар баҡсаһында тәрбиәләнәм. Варвара бик дәртле ҡыҙ: бейей, йырлай, шиғыр һөйләй, конкурстарҙа ҡатнашып, призлы урындар яулай. Бигерәк тә әкиәт һөйләүгә әүәҫ. Күп кенә көләмәстәр ҙә белә. “Киләсәктә  намыҫлы кеше булып үҫкем килә!” – ти ул

Шәурә Ҡаһарманова. Бөрйән районы Яңы Усман ауылынан.

“Мин  7-синыф укыусыһымын. Буш ваҡытымда йырларға, бейергә яратам. Төрлө конкурстарҙа ҡатнашырға яратам, спорт менән дә дуҫмын. Саф башҡортса телемде боҙмай һөйләшәм. Хыялым – халҡыма, телемә, илемә кәрәкле, файҙалы һөнәр үҙләштерергә һәм һәр көндөң йәмен, матурлығын күреп, тормошта үҙ урынымды табып, бәхетле йәшәргә!”