-18 °С
Ясна
75 лет Победы
Бөтә яңылыҡтар
Яңылыҡтар
12 Февраль , 13:50

Бөгөн Рәми Ғарипов тыуған көн.

Бөгөн Башҡортостандың халыҡ шағиры Рәми Ғариповтың тыуған көнө. Үҙенең йәшәү дәүерендә ул тәржемәсе, шағир, журналист булараҡ танылыу алған. Ләкин дәрәжәле исемдәр уға үлгәндән һуң ғына бирелә.

Бөгөн Рәми Ғарипов тыуған көн.
Бөгөн Рәми Ғарипов тыуған көн.

Бәлки, керләнеп тә бөтөрмөн мин,
Янған өсөн яла яғылыр.
Ялған һыйыныр ер булмаһа ла,
Яласылар әле табылыр.

Тик намыҫты данға алыштырмам,
Юҡ, алданмам арзан даныма.
Мин яҙырмын ғәҙеллекте яҡлап,
Ҡәләмемде манып ҡаныма.

Һәр нәмәне халҡым зиһене менән,
Халҡым күҙе менән күрермен.
Әгәр кәрәк булһа, илем өсөн
Ғәзиз ғүмеремде бирермен.

Юҡ, теҙләнмәм ялған алдында мин!
Маҡсатымдың иң, иң алыҫын
Яҡын күрер күҙем. һәм күҙемдә
Балҡып яныр ғорур намыҫым!

***

Мин үҙемде бала кеүек тоям,
Һағынып гел һине уйлаһам.
Йөрәгемә серле шатлыҡ тула –
Әллә көс ул, әллә ул илһам?

Әллә һин тик йәшлек уйҙарымдың
Кәрәкһеҙ бер тиле емеше?
Әллә мәңге янып ҡала торған
Йөрәгемдең һүнмәҫ өлөшө.

Белмәйем мин: күңелемдә һиңә
Әллә дуҫлыҡмылыр, мөхәббәт?
Тик һин күҙ алдыма килгән саҡта
Миңә яҡты, миңә рәхәт…

 

Бөгөн Рәми Ғарипов тыуған көн.
Бөгөн Рәми Ғарипов тыуған көн.
Автор:Сәлимә ҠАРАНАЕВА
Читайте нас в