"Шайморатовсылар"ға бағышлау тантанаһы үтте

Дәүләкән ҡалаһының 3-сө башҡорт гимназия-интернатында 6 А синыф уҡыусыларын "шайморатовсылар"ға бағышлау тантанаһы үтте. Гимназия директоры Ғүмәрова Г. И. үҙенең телмәрендә йәш "шайморатовсыларҙы" 112-се Башҡорт кавалерия дивизияһы яугирҙарының васыяттарына тоғро булырға саҡырҙы. Балалар ант бирҙеләр һәм Шайморатов кластарының гимны булған "Шайморатов генерал" йырын башҡорт һәм рус телдәрендә башҡарҙылар. Бындай кластарҙа 112-се Башҡорт кавалерия дивизияһы ҡаһарманлығы миҫалында ил тарихына хөрмәт, патриотизм, Тыуған ил, Республика өсөн ғорурлыҡ тойғоһо тәрбиәләүгә, рухи-әхлаҡи ҡиммәттәрҙе, сәләмәт йәшәү рәүешен формалаштырыуға, әүҙем гражданлыҡ позицияһын булдырыуға булышлыҡ итеүгә йүнәлтелгән системалы эш алып барыла.

"Шайморатовсылар"ға бағышлау тантанаһы үтте