Башҡортостанда 100 балл алыусылар арта!

Рус теленән берҙәм дәүләт имтиханын 14 171 сығарылыш уҡыусыһы тапшырҙы, 11 уҡыусы 100 балл йыйҙы, 2 728 кеше 81 һәм унан юғарыраҡ балл алды. Профилле математиканан 7 652 уҡыусы һынау тотто, уларҙың 31-е — 100 балл, 1 324-е 81 һәм унан күберәк балл тупланы. Физика буйынса 2427 уҡыусы тапшырған, уларҙың 41-е 100 балл йыйған, 626-һы юғары балл алған. Информатиканан – 3302 уҡыусы тапшырҙы, шуларҙың  3-әүһе –100 балл, 372-һе-81 һәм унан юғарыраҡ балл алған. 45 уҡыусы — химиянан, дүртәүһе — географиянан,  икәүһе әҙәбиәттән 100 балл йыйған. Йәмғиәтте өйрәнеү буйынса 4783 уҡыусы яҙған, 436 уҡыусы юғары балл йыйған.  Һигеҙ имтихан һөҙөмтәләре буйынса республикала – 140 уҡыусы йөҙ балға өлгәшкән һәм 11 мультибалльник бар», — тип яҙа министр социаль селтәрҙәге сәхифәһендә.

Республика етәксеһе тәҡдиме менән БДИ һөҙөмтәләре буйынса 100 балл йыйған уҡыусылар әҙерләгән уҡытыусыларға — 50 мең, ә максималь балл туплап, республиканың юғары уҡыу йорттарына ингән йәштәргә 150 мең һум күләмендә премия түләнә...