Республикала асылған Евразия музейының визит-үҙәгенә туристар ағымы арта

Ошо көндәрҙә Евразия күсмә цивилизациялар музейының визит-үҙәгенә туристар күпләп килә башланы. Был хаҡта хөкүмәттең оператив кәңәшмәһендә Башҡортостан Башлығы Радий Хәбиров белдерҙе.

Был иһә оло эштең башы ғына, ләкин «визит-үҙәк бик ҡыҙыҡлы, бай мәғлүмәтле булып сыҡты», тип билдәләне Радий Хәбиров. Киләһе йылдарҙа бында илдең күсмә цивилизацияларҙы өйрәнеү буйынса иң ҙур ғилми һәм мәҙәни үҙәге ойошторола. Башҡортостан Башлығы визи-үҙәктең «бик ҡыҙыҡлы» булыуын билдәләне һәм унда балалар менән дә барырға кәңәш бирҙе.

Бынан алдараҡ «Башинформ» яңы визит-үҙәк һәм уның республика, донъя фәне һәм мәҙәниәте өсөн әһәмиәте тураһында яҙып сыҡты.

https://www.bashinform.ru/news/social/2024-07-08/v-otkryvshiysya-v-bashkirii-vizit-tsentr-evraziyskogo-muzeya-nachali-priezzhat-turisty-3838986