Лампочканы нисек һайларға?

Ҡыҙҙырма ҡыллы лампаларҙан янғын сығыу хәүефе бик ҙур. Лампаның быяла колбаһы Цельсий буйынса 550 градусҡа тиклем ҡыҙа! Сөнки был лампочкаларҙа энергияның 3-8 проценты ғына яҡтыртыуға тотонола, ә ҡалған  92-97 проценты йылылыҡҡа әйләнә.

Люминесцент лампалар ҙа ярайһы уҡ хәүефһеҙ. Уларҙың тышлығы 40-50 градусҡа тиклем генә йылына.

Яҡтыртҡыс диодлылары – иң хәүефһеҙ лампа. Улар полиэтиленды иретмәй, ағас йә ҡағыҙға ут тоҡандырып ебәрә алмай. Тәүге ике варианттағы лампалар кеүек ҡыҙмай, шуға  янғын сәбәпсеһе булмай.

Сығанаҡ: БР Ғәҙәттән тыш хәлдәр буйынса дәүләт комитеты ВК сәхифәһе.