“Ат уйнатып” – күләмле проект

27 августа, Рәсәй Геройы, генерал Миңлеғәли Шайморатовтың тыуған көнөндә, «Родина» кинотеатрында “Тамыр” телеканалы тарафынан Башҡортостан Башлығы гранттары фонды һәм Мәғариф һәм фән министрлығы ярҙамында әҙерләнгән "Ат уйнатып" хәрби-патриотик уйынының исем туйы үтте.

Күләмле проект былтыр булдырылғайны. Шайморатов кластары уҡыусылары, бөтә республиканан 16 команда, Өфөнөң тарихи үҙәгендә  ҡатмарлы һәм ҡыҙыҡлы квеста ҡатнашты. Бынан тыш, "Тамыр" телеканалы «Ат уйнатып. Командирҙар алышы» өҫтәл уйынын булдырған. Өс ай дауамында БСТ һәм "Тамыр" каналдарында бөтә республика шайморатовсыларҙың командирҙарының уйынын күҙәтте. “Ат уйнатып” хәрби-патриотик уйынының өсөнсө этабы “Патриот” хәрби-патриотик паркында үтте. Биш команда, Стәрлетамаҡ ҡалаһының Жәлил Кейекбаев исемендәге 3-сө гимназияһы, Күгәрсен районы Мораҡ ауылының М.Ғ. Рәхимов исемендәге башҡорт гимназияһы, Туймазы ҡалаһының 1-се гимназияһы, Өфөнөң 2-се “Смарт” республика күп полилингваль гимназияһы уҡыусылары тәүге этаптарҙы уңышлы үтте һәм финалда көс һынашты.

“Тамыр” телеканалы был турала күп сериялы фильм төшөрҙө. «Родина» кинотеатрында бересе фильмын күрһәттеләр.

Кемдәр еңер икән? 31 август Башҡортостан юлдаш һәм «Тамыр» телеканалдарында ҡарағыҙ! Һәр шәмбе һәм йәкшәмбе көндәре шайморатовсылар менән бергә ярышығыҙ.