Китап уҡып, бүләк ал

Уҡыуға тәҡдим ителгән китаптар исемлеге яҙылған файл журналдың ВК сәхифәһенә беркетелгән.

Исемлекте, әлбиттә, Башҡорт телен һаҡлау һәм үҫтереү ойошмаһы сәхифәләрендә лә табырға мөмкин.

Ярышмандар социаль селтәрҙәрҙәге үҙ сәхифәһенә һәр уҡыған китабы тураһында пост яҙып һалырға тейеш. Һәр посҡа #БашкортостанЧитающий2024 #БашҡортостанУҡый2024  тигән хештэг ҡуйырға кәрәк була.

Ярыш бөгөн, йәғни 2 сентябрҙә башлана, 1 мартта тамам була.

Шунан ҡатнашыусыларға 1 майға тиклем белем тикшереү тесы үтергә тәҡдим ителә.

Һөҙөмтәлә 15 еңеүсе асыҡлана.

Еңеүселәргә ҡиммәтле бүләктәр, дипломдар вәғәҙә ителгән.

Марафонды ойошма Башҡортостан Башлығы грантына үткәрә.