Ижад майҙанына рәхим итегеҙ

Форум Башҡортостандың халыҡ шағиры Рауил Шаммастың исемен мәңгеләштереү, туған телде, милли мәҙәниәтте һәм йолаларҙы һаҡлау һәм үҫтереү, балаларҙың, йәштәрҙең  ижади һәләттәрен асыу, милли әҙәбиәткә ҡыҙыҡһыныуҙы арттырыу маҡсаттарын ҡуя.

Форум сиктәрендә 4 конкурс үткәрелә:

• “Күңел моңом булыр ерем моңо...” конкурсында Рауил Шаммасың әҫәрҙәрен яттан һөйләүселәр ярышасаҡ
• “Ғүмереңдән яҡты ҡалһын...” – Рауил Шаммастың тормошо һәм ижады тураһында ғилми-тикшеренеү эштәре ярышы
• “Стәрлебаш – тамырым минең...” тип Стәрлебаш районы тураһындағы нәфис әҫәрҙәр мәҡәләләр, тыуған яҡты өйрәнеү буйынса эштәр, видеороликтар, фотолар, һүрәттәр, йырҙар конкурсы атала
• башлап яҙыуылар өсөн – «Шағир яҙа, аҡ ҡағыҙға ята йөрәгенең һәр бер тибеше...» (темала сикләү юҡ) шиғыр конкурсы.

Форумда ҡатнашыусыларҙың йәш төркөмдәре:

• кесе төркөм (1–4-се синыфтар)
• уртансы төркөм (5–9-сы синыфтар)
• өлкән төркөм (10–11-се синыфтар, һөнәри белем ойошмалары студенттары)
• юғары уҡыу йорттары студенттары
• өлкән йәштәгеләр төркөмө (эшкә яраҡлы йәштәгеләр, пенсионерҙар)

Форумға башҡорт, татар, рус телдәрендәге эштәр ҡабул ителә. Уларҙы ҡабул итеү мөҙҙәте – 30 сентябрҙән 31 октябргә тиклем. Йәғни бер ай ваҡыт бирелә.

Йомғаҡ 6 ноябрҙә Стәрлебашта форумдың төп майҙансығында  яһала.

Форумды ойоштороусылар: БР Мәҙәниәт министрлығы, БР Мәғариф һәм фән министрлығы, БР Матбуғат һәм киң мәғлүмәт саралары агентлығы, Стәрлебаш район хакимиәте, БР Яҙыусылар союзы.

Сығанаҡ