Кино һөйөүселәргә

“Хит” (12+)  Рәсәй йондоҙҙары тураһында документаль сериалы һуңғы йылдарҙың иң популяр  йырҙарын иҫегеҙгә төшөрөр. Был проект Рәсәй поп-музыкаһының 1991 йылдан башлап үткән юлын һөйләр. Премьераның датаһын һуңыраҡ белдерәсәктәр.

“Комбинация” сериалы (18+)  йәштәргә һәм өлкәндәргә тәғәйенләнә. Илебеҙҙәге тәүге ҡатын-ҡыҙҙар поп-төркөмөнөң музыкаль чарттар үрҙәренә юлы күрһәтелә.

“Подростки в  космосе” (18+) сериалында ваҡиғалар 2054 йылда бара. Премьераһы – 3 октябрҙә.

МХТ-ға нигеҙ һалған Владимир Немирович-Данченко сценарийы буйынса төшөрөлгән ҡыҫҡа метражлы «Зверек» (16+) фильмы, «Ивановы-Ивановы» (16+) комик сериалының етенсе миҙгеле,  фэнтези яратыусылар өсөн «Наследники. Дар крови» (16+) сериалы, төп героиняһын Кристина Асмус уйнаған «Обе две» (12+) лирик комедияһы – бына ниндәй проекттар тәҡдим итә кинотеатр октябрҙә.

Сит ил фильмдары ла күрһәтәләр.

Көнбайыш компаниялары сығарған «Собиратель душ» (18+) хиты  – 8 октябрҙән, «Семена смерти» (18+) ҡотосҡостар фильмы – 3 октябрҙән, «Идеальный Лжец» (18+)  триллеры – 17 октябрҙән, Көньяҡ Кореяныҡыларҙан «Криминальный город: Возмездие» (18+) боевигы – 14 октябрҙән, «Игра джентльменов» (18+) фильмы 10 октябрҙән асыла.

Сығанаҡ