Ата-әсәләр мәктәп ашын тәмләй

Сипайловолағы М. Исҡужин исемендәге 136-сы лицейҙа ата-әсәләр иртәнге аштан ауыҙ иткән. Тейешле ҡағыҙҙарға ла күҙ һалғандар: мәғлүмәт стендына эленгән меню менән ғәмәлдә нимә бирелгәнен сағыштырып ҡарағандар, туҡланыу графигын тикшергәндәр, ашап бөтөлмәй күпме түгелеүен дә иғтибарға алғандар.

Ә. Фәйзуллин исемендәге 39-сы гимназияла ла ата-әсәләр балаларының ниндәй ризыҡтар ашауын ҡарарға килгән. Уларға ла мәктәп ашханаһы аҙыҡтары оҡшаған, ашнаҡсыларҙы маҡтап ҡайтып киткәндәр.

Фотолар: 136-сы лицейҙың  ВК сәхифәһенән, 39-сы гимназияның телеграм-каналынан.