Башҡортостан “суперниндзялары”

Владимир ике тапҡыр тамашаның финалына еткән, еңеүгә тиклем  бер аҙым ғына ҡалған да бит. Килеп сыҡмаған.

“Ябай төҙөүсе булһаң да, спортҡа ул тиклем күп ваҡыт бүлмәһәң дә еңеүгә өлгәшеү мөмкин икәнлегенә ышандым, – ти Владимир Старцев. – Әйткәндәй, Өфөлә ниндзяларҙың тотош бер тусовкаһы барлыҡҡа килде: бергә күнекмәләр яһаныҡ, сығарылыштарҙы ҡараныҡ, кастингҡа әҙерләндек, ярыштарға йөрөнөк”.

“Беҙҙең бына тигән комьюнити барлыҡҡа килде: бөтәһе лә тәжрибәһен уртаҡлашты, ығы-зығыға бирелмәҫкә кәңәш иттеләр, шуға үҙемде ышаныслы тоям”, – ти Шамил Илембәтов.

Владислав иһә проектҡа осраҡлы килеп эләккән. Ул кастингҡа дуҫына терәк булып барған.

“Мин нефть тармағындағы эшсе, баш-көллө эшкә сумғандарҙың күбеһе кеүек халыҡ араһында күренеп йөрөгән кеше түгелмен, – ти ул. – Ысынын әйткәндә, бер аҙ уңайһыҙланам, сөнки бөтә Башҡортостан ҡараясаҡ бит. Ләкин был тамаша, бәлки, минең өсөн һынылыш мәленә әйләнер, һәм киләсәктә үҙемде яңы өлкәләрҙә һынап ҡарай алырмын”.

“Суперниндзя”ның халыҡ-ара миҙгелендә Рәсәй атлеттарына Франция, Германия, Швейцария, Австрия, АҠШ, Мексика, Коста-Рика, Оман һ.б. илдәр ҡатнашыусылары менән көс һынашырға тура киләсәк.

Быйылғы алып барыусылар: Дмитрий Масленников, Василий Артемьев һәм Валерия Астапова.

“Суперниндзя” СТС-та 13 октябрҙә 17 сәғәттә башлана.

Сығанаҡ