Йәш шахматсы приз аҡсаһын махсус хәрби операцияла ҡатнашыусыларға тапшырған

Башҡортостандың йәш шахматсыһы үҙенең приз аҡсаһын махсус хәрби операцияла ҡатнашыусыларға тапшырған. Спортсының изге ғәмәле тураһында Туймазы районы хакимиәте хәбәр итте.

Ҡыҙҙың исеме Алиса. Ул дүртенсе йыл Туймазы спорт мәктәбендә шахмат менән шөғөлләнә, муниципаль һәм республика ярыштарында уңышлы сығыш яһай.

Быйыл яҙ Алиса ҡыҙҙар араһында район беренселегендә еңеү яулаған. Социаль селтәрҙә махсус хәрби операция яугирҙәренә аҡса йыйыу тураһында иғланды күргәс, бүләк аҡсаһын радиоэлектронлы көрәш системаһын һатып алыу өсөн тапшырырға ҡарар иткән.

Августа шахматсыбыҙ Башҡортостан беренселегендә блиц буйынса өсөнсө урынға лайыҡ булған һәм йәнә приз аҡсаһын хәрби хеҙмәткәрҙәргә скотч һатып алған ирекмәндәргә биргән.

«Алиса ла әсәһе өлгөһөндә яугирҙәргә ярҙам итергә тырыша, сөнки ханым «Маскита» клубында ойошторолған маскировка селтәрҙәре үреү, гуманитар ярҙам йыйыу, йоҡа плащтар тегеү эшендә әүҙем ҡатнаша. Алиса һәм уның әсәһенә рәхмәт белдерәбеҙ», — тип хәбәр иттеләр муниципалитеттан.

https://www.bashinform.ru/news/svo/2024-10-04/yunaya-shahmatistka-iz-bashkirii-peredala-na-svo-prizovye-dengi-3955370