Бөтә Рәсәй контроль эштәрен эшләйбеҙ

Быйыл контроль эш эшләүселәр 125 меңдән ашыу мәсьәлә сискән. 2024 йылда Рәсәйҙең 84 төбәгенән һәм 30 илдән 100 меңдән ашыу ҡатнашыусы тәбиғәт фәндәре буйынса үҙенең белемен тикшергән.

Бынан тыш, ҡатнашыусыларға VK Play һәм Учи.ру сайттарында махсус математика мәсьәләләрен сисеү мөмкинлеге бирелде. Учи.ру рейтингы буйынса, республиканан Азамат Янбулатов – тәүге унау иҫәбендә. Ә VK Play майҙансығы мәсьәләләрен дөрөҫ сискән тәүге 100 ҡатнашыусы иҫәбенә Азамат Янбулатов, Софья Хажибәкова һәм Ангелина Кузьменко ингән.

Быйыл контроль эш һөҙөмтәләре менән бөтә Рәсәй буйынса 13 меңгә яҡын ҡатнашыусы илдең математика вуздарының береһенә имтиханһыҙ инеү мөмкинлеген алған.

“Мәсьәлә сисергә сыҡ!” сараһы Рәсәйҙә фәнде популярлаштырыуға йүнәлтелгән. Контроль эш төрлө быуындың белемгә ынтылышын хуплай. Бөтә ҡатнашыусылар ҙа исемле сертификаттар аласаҡ.

Сығанаҡ: Башинформ.

Фото "Мәсьәлә сисергә сыҡ!" сайтынан.