«Китап бүләк итеү ҙә бит – бәхет, Китап ҡәҙерен белгән кешегә». Рәми ҒАРИПОВ

"КИТАП" магазинында Зәйнәб Биишева исемендәге Башҡортостан "КИТАП" нәшриәтенең күптән йәшәп килгән яҡшы ғәмәлдәренең береһе - "Изге ҡулдарҙан китап" акцияһы яңы һулыш алды. Хөрмәтле авторыбыҙ Факил Мырҙаҡаев "Йәншишмә", "Йәшлек" гәзиттәре, "Аҡбуҙат", "Аманат" журналдары редакцияларының һәр береһенә "КИТАП" нәшриәтендә балалар өсөн баҫылып сыҡҡан китаптарының 15-әр данаһын бүләк итте.

Факил Сәлих улы Мырҙаҡаев - яҙыусы, тәржемәсе, журналист, Рәсәйҙең һәм Башҡортостандың Яҙыусылар һәм Журналистар союздары ағзаһы, Башҡортостандың атҡаҙанған мәҙәниәт хеҙмәткәре, Башҡортостандың Һәҙиә Дәүләтшина исемендәге дәүләт премияһы, Мифтахетдин Аҡмулла исемендәге премия, Ҡаҙағстандың Әхмәт Йәсәүи исемендәге халыҡ-ара премияһы лауреаты. Ул төрлө йәштәге уҡыусылар өсөн яҙылған ике тиҫтәнән ашыу исемдәге повестар һәм хикәйәләр йыйынтыҡтары авторы. Яҙыусының балалар өсөн нәшер ителгән китаптарында йәш быуында Тыуған иленә ҡарата һөйөү тәрбиәләү менән бергә, дуҫлыҡҡа тоғролоҡ, өлкәндәргә ҡарата ихтирам, тәбиғәткә һаҡсыл ҡараш, кешелеклелек һәм белемгә ынтылыш хуплана.

Ҡәҙерле авторҙарыбыҙ, дуҫтар, "Изге ҡулдарҙан китап" акцияһын һеҙ ҙә дауам итә алаһығыҙ. Рәхим итегеҙ!

#Китап_нәшриәте
#акция
#изгеҡулдарҙанкитап
Йәншишмә Гәзите
"ЙӘШЛЕК" гәзите - газета "ЙЭШЛЕК"
ЖУРНАЛ "АКБУЗАТ" /"АҠБУҘАТ" ЖУРНАЛЫ
"Аманат" балалар-үҫмерҙәр журналы

www.kitap-ufa.ru