Диңгеҙсе яҡташтарыбыҙға бағышлана

Баҡһаң, Башҡортостан сығышлы 35 адмирал бар икән, ә флот ветераны булған диңгеҙселәребеҙҙең һаны 43 меңдән ашыу.

2003 йылдан бирле “Башҡортостан Республикаһының диңгеҙ йыйылышы” тигән төбәк йәмәғәт ойошмаһы эшләй. Рәйесе – Юлай Моратов. Ойошма диңгеҙселәр, хәрби диңгеҙ хеҙмәте ветерандары тураһында бик күп мәғлүмәт йыйған. Уларға төрлө ярҙам күрһәтә, йәштәр менән патриотик эш алып бара, махсус хәрби операция зонаһына гуманитар ярҙам ташый.

В.И. Альбанов исемендәге полярниктар музейы БР Диңгеҙ йыйылышы менән әүҙем хеҙмәттәшлек итә.

Бөгөнгә 4 диңгеҙ судноһы Башҡортостан менән бәйле.

2022 йылда Санкт-Петербургта “Өфө”  тигән һыу аҫты кәмәһе һыуға төшөрөлдө. Был тантанала Башҡортостан Башлығы Радий Хәбиров, Диңгеҙ йыйылышы рәйесе Юлай Моратов, В. Альбанов музейы вәкилдәре ҡатнашты. Һыу аҫты кәмәһе Рәсәй Хәрби-диңгеҙ флотына инә һәм Владивостокта төпләнгән.

Музейҙағы күргәҙмәлә “Өфө” субмаринаһының макеты тора.

Күргәҙмә 8 декабргә тиклем эшләй.

Сығанаҡ