Йәш быуын белергә тейеш

Семинар-мәктәпкә Өфө ҡалаһының Ассоциациялашҡан мәктәптәре уҡыусылары  саҡырыла, ә дәрестәрҙе ӨФТУ-ның Тәбиғәт һәм Кеше институты уҡытыусылары алып барасаҡ. Уҡыу Вуз-ара кампуста үтәсәк.

Глобаль йылыныу менән бәйле планетала үҙгәрештәр бара. Үҙгәрештәр һауа температураһының күтәрелеүендә генә түгел, һауа торошо һәм климат менән бәйле хәүефле күренештәрҙең йышайыуында ла сағыла, ти мәктәп-семинар етәксеһе, институттың геология, гидрометеорология һәм геоэкология кафедраһының өлкән уҡытыусыһы, география фәндәре кандидаты Рита Камалова.

Йәш быуын был үҙгәрештәрҙең ихтимал булған эҙемтәләрен белергә тейеш, тип иҫәпләй ғалим. Дәрестәр уҡыусыларҙың экологик белемдәрен киңәйтеү маҡсатын ҡуя.

Мәктәп-семинар программаһында лекциялар һәм практикумдар үткәреү ҡаралған.

Сығанаҡ: БР Хөкүмәте сайты.