Самбо форумына ҡунаҡтар килде

Башҡортостан аэропортында ҡунаҡтарҙы ҡурай моңо, сәк-сәк,  ҡымыҙ менән ҡаршы алдылар.

Бөтә Рәсәй Самбо федерацияһы президенты Сергей Елисеев әйтеүенсә, Рәсәй Геройҙары иҫтәлегенә арналған “Йондоҙ” Бөтә Рәсәй самбо турниры форум сараларының береһе буласаҡ.

– Өфөлә “Берҙәм Рәсәй” партияһы менән берлектә “Рәсәй самбо өсөн” федераль проектын башлайбыҙ. Ҙур сара буласаҡ был. Бөгөн беҙҙе ҡаршы алған бөтә Башҡортостан халҡына, шулай уҡ «Россия» авиакомпанияһына рәхмәт.

Иҫегеҙгә төшөрәбеҙ:

2023 йылда, самбоның 85 йыллыҡ юбилейы йылында, Рәсәй Президенты Владимир Путин 16 ноябрҙә “Самбо көнөн билдәләү тураһында”ғы указға ҡул ҡуйғайны.

Белешмә:

Самбо илебеҙҙә ХХ быуаттың беренсе яртыһында барлыҡҡа килә һәм милли спорт мәҙәниәтенең айырылғыһыҙ өлөшөнә әйләнә. Самбо – спорт алышы төрө генә түгел, ә кешенең әхлаҡи һәм ихтыяр сифаттарын, илһөйәрлекте һәм гражданлыҡты үҫтереүсе тәрбиә системаһы. Әлеге ваҡытта самбо популяр спорт төрҙәренең береһе булып тора, 1 миллиондан ашыу кеше самбо менән шөғөлләнә, ул Рәсәйҙең бөтә төбәктәрендә лә таралған. Самбо сит илдәрҙә киң популярлыҡ яулаған – 99 милли самбо федерацияһы бар.

Сығанаҡ: Башинформ.