Буласаҡ уҡытыусыларға – аҡсалата ярҙам

Түләүҙең шарты бар: студент көндөҙгө бүлектә белем алырға һәм республикабыҙҙың уны уҡырға ебәргән урындағы үҙидара органы йә дәүләт мәғариф ойошмаһы менән 2024 йылдың 1 майынан һуң төҙөлгән маҡсатлы уҡытыу договоры булырға тейеш.

Юғары уҡыу йорттары студенттарына 5–10 мең (курсына ҡарап) һум түләнәсәк.

Урта һөнәри уҡыу йорттары студенттарына түләү күләмдәре ошолай була:

1-се курс – 2 мең,

2-се курс – 2,7 мең,

3–4-се курстар – 3,9 мең һум.

Түләүҙәр тураһындағы законға Башҡортостан Башлығы Р. Хәбиров 26 ноябрҙә ҡул ҡуйған. Закон шундуҡ  ҡулланыуға индерелгән.

3 декабрҙәге тура эфирҙа республика Башлығы белгестәргә булышлыҡ итеү һәм эш урынында һаҡлап ҡалыу өсөн саралар ҡаралыуы тураһында әйткәйне.

Фотола: буласаҡ уҡытыусылар – Күмертау педагогия колледжы уҡыусылары.

Сығанаҡ: Башинформ.