Синыф менән – “Аманат”ҡа

Беҙ синыфта  2 ҡыҙ һәм 6 малай уҡыйбыҙ. Бик тырышбыҙ һәм тәртиплебеҙ, ҡайһы берҙә шаян да булып алабыҙ. Яҡшы уҡыйбыҙ. Әҙәбиәт дәресендә уҡытыусыбыҙ менән һеҙҙең журналды яратып уҡыныҡ та синыф менән яҙылырға булдыҡ. Әлеге ваҡытта шыршы байрамына әҙерләнәбеҙ. Шиғыр-әкиәттәр яҙҙыҡ, һүрәттәр эшләнек, Ҡыш бабай һәм Ҡарһылыу эшләү конкурсында ла ҡатнаштыҡ, хатта синыф бүлмәбеҙҙе байрамса биҙәп тә ҡуйҙыҡ.Һеҙ ҙә байрамды матур ҡаршылағыҙ. Һеҙгә ныҡлы һаулыҡ, ғаилә именлеге, эшегеҙҙә уңыштар теләп ҡалабыҙ!

Оҫта ҡуллы мәктәп уҡыусыларының ҡул эштәрен дә һалабыҙ, бигерәк матурҙар, хатта магазинда һатылған уйынсыҡтарҙан да ҡупшыраҡтар.