Янғын осрағына уҡыусылар өсөн 10 ҡағиҙә

Өйҙә  ут сыҡҡанын күрһәң, МЧС тәҡдимдәрен үтәргә кәрәк:

1. Йәһәт кенә өлкәндәргә хәбәр ит, 101-гә шылтыратып, адресығыҙҙы ата.
2. Әгәр өйҙә бәләкәй туғандарың менән үҙең генә булһаң, уларҙы тиҙерәк бинанан сығар.
3. Янып киткән бүлмәнән, йорттан, фатирҙан сыҡҡанда артыңдан ишекте яп.
4. Әгәр бүлмә төтөн менән тулһа, ишек яғына иҙән буйлап шыуышып бар.
5. Һыуға мансылған дымлы таҫтамал йә туҡыма аша тын ал.
6. Һине эҙләп өндәшеүселәргә яуап бир.
7. Янғын ишеккә юлды өҙһә, балконға сығып, тәҙрәне асып, ярҙам һорап ҡысҡыр.
8. Бер нисек тә сығып булмаһа, яныусан нәмәләрҙән ситкәрәк, стена буйынараҡ шыуыш.
9. Ванна бүлмәһенә үтә алған осраҡта уға һыу тултыр, тын алыу өсөн көпшә табырға тырыш һәм, уны ауыҙға ҡабып, һыу эсенә төшөп ят.
10. Кейемең янып китһә, йүгермә, тиҙ генә сисеп һүндер. Кейемеңде ут тотош ялмап алһа, туҡымаға (одеял, түшәк япмаһы) төрөнөп, иҙәнгә ятып ян-яҡҡа тәгәрлә, шулай итһәң, өҫтөңдәге ут һүнә.