+24 °С
Ямғыр
Яңылыҡтар
13 Ғинуар 2025, 07:26
Шәжәрәңде белеү – тамырҙарыңды белеү ул
Көйөргәҙе районы Яманһары ауылында “Минең шәжәрәм – минең тарихым” тигән проектҡа тотоноп киткәндәр. Был хаҡта район хакимиәте башлығы урынбаҫары Данил Акилов хәбәр итә. Сараны “Айыҡ ауыл” республика конкурсына бәйләгәндәр.
Шәжәрәңде белеү – тамырҙарыңды белеү ул
Данил Акилов белдереүенсә, хәҙер яманһарыларҙың йәше-ҡарты, балалары – ҡыҫҡаһы, бөтәһе лә кәм тигәндә етенсе быуынға тиклем шәжәрәһен төҙөргә тотонған. Башҡаларға ла өлгө алырлығы бар!
“Һәр кеше үҙенең туғандарын, ғаиләһен, үҙенең шәжәрәһен белергә һәм иҫтә тоторға тейеш. Беҙҙең олатай- өләсәйҙәребеҙ үҙенекеләрҙе етенсе быуынға тиклем яҡшы белгән. Ҡайһы берҙәре хәтерендә генә ҡалған, башҡалары йылъяҙмалар яҙған һәм быуындан-быуынға тапшырған”, –ти Данил Акилов.
