Арыҫлан үҙ тормош тәжрибәһе тураһында Әбйәлил районы Аҫҡар ауылының “Йәшел урман” мәктәп урмансылығы ағзалары менән осрашҡанда уртаҡлашҡан. Ул үҙе лә ошо мәктәпте тамамлаған.
Балаларға ул мәктәп партаһында ултырғанда уҡ буласаҡ һөнәре өсөн кәрәкле белемде туплай башларға, ғәмәли тәжрибә йыйырға кәңәш итә. Ә урман белгесе булып хеҙмәт юлын башлаған йәштәргә тикшеренеү эше менән шөғөлләнергә һәм экологик сарларҙа әүҙем ҡатнашырға тәҡдим итә.
Уҡыусылар өсөн был осрашыу бик файҙалы булғандыр. Өлкән иптәштәре миҫалында улар тармаҡтың үҫкәнен, урман менән бәйле һөнәрҙәр даирәһенең киңәйгәнен күргәндер. Арыҫландың кәңәштәре уларға һөнәр һайлағанда ярҙам итмәй ҡалмаҫ, моғайын.
Сығанаҡ: Башҡортостан Урман хужалығы министрлығының ВК сәхифәһе.