Профилле уҡытыу маҡсатында химия, биология, физика һәм генетика дәрестәрен республиканың медицина университеты уҡытыусылары дистанцион рәүештә алып барасаҡ.
«Медицина синыфтарының Башҡорт дәүләт медицина институтының элекке ректоры Зәйнулла Ихсановтың тыуған төйәгендә асылыуы символик мәғәнәгә эйә һәм бик мөһим. Зәйнулла Ихсанов Арғаяш районының Мәтәле ауылында тыуып үҫкән, Бөйөк Ватан һуғышында ҡатнашҡан, Башҡортостанда һаулыҡ һаҡлауҙы һәм юғары мәктәпте ойоштороуға ҙур өлөш индергән. Юғары уҡыу йорто ректоры Валентин Павловҡа һәм район башлығы Игорь Ишимовҡа проектҡа ярҙамдары өсөн рәхмәт белдерәм», – тигән Башҡортостан Республикаһының Силәбе өлкәһендәге вәкиле Әлфир Байымов.