"Диктор тауышы" конкурсы еңеүселәре билдәле булды

Учалы ҡалаһында Башҡортостандың халыҡ артисы, танылған диктор Әхәт Мортазин иҫтәлегенә ойошторолған  "Диктор тауышы" төбәк-ара конкурсы эшләне. Конкурсҡа 100 эш килгән. Уларҙың иң-иңдәре һайлап алынған.

6 февраль – Әхәт Мотаһар улының тыуған көнө. Йомғаҡлау һәм еңеүселәрҙе бүләкләү тантанаһы нәҡ ошо көнгә тап килтереп үткәрелде.

Сараға 9-сы полилингваль мәктәп ныҡлы әҙерләнгән. Был көндө журналистар оҫталыҡ дәрестәре үткәрҙе. Конкурста ҡатнашыусылар Әхәт Мортазиндың тормош юлы һәм ижады менән танышты. Жюри еңеүселәрҙе асыҡланы.

Ярыш бик һәләтле балалар барлығын күрһәтте.

Еңеүселәр:

Әбйәлил районы Хәлил мәктәбенең 4-се синыф уҡыусыһы Линар Муралиев менән Дыуандан  Тимер Йосопов исемендәге Республика лицей-интернаты уҡыусыһы  Айгүзәл Аслыева 2025 йылғы “Диктор тауышы” бәйгеһендә 1-се урынды яуланы. 

2-се урында –  Өфөнән Фатима Сынбулатова һәм Учалынан Илнара Әбдрәхимова.  

3-сө урынды Дыуан районы уҡыусылары Әмирә Буранғолова, Ильяс Байышев һәм Стәрлетамаҡтан Алина Ҡоҙаҡаева яуланы.

Видеояҙмаларҙа: Тимер Йосопов исемендәге Республика лицей-интернаты уҡыусыһы Ильяс Байышев; шул уҡ мәктәптән  Айгүзәл Аслыева.