Ғаиләләр өсөн сағыу ваҡиға буласаҡ

Сараны Башҡортостан Хөкүмәте, төбәктәге Евразия һәм Африка  халыҡтары ассамблеяһы вәкиллеге, шулай уҡ “Кил бухтаһы” ҡала яны клубы ойоштора.

Фестиваль тотош ғаиләләр өсөн сағыу ваҡиғаға әүереләсәк. Программала “Масленица”, балалар өсөн интерактив ҡурсаҡ театры, күңелле старттар һәм саф һауала уйындар ҡаралған. Ҡунаҡтар Павловка ҡасабаһы эргәһендәге тәбиғәт ҡосағында ял итә ала.

“Башҡортостан Республикаһының Павловка һыу һаҡлағысының рекреация биләмәләрендә эске туризмды үҫтереү” конференцияһы фестивалдең төп ваҡиғаларының береһе буласаҡ. Унда туризм операторҙары, ресторан бизнесы вәкилдәре, отельерҙар һәм башҡалар ҡатнаша.

Башҡортостандың эшҡыуарлыҡ һәм туризм министры Зөһрә Гордиенко әйтеүенсә, республика туризмды үҫтерергә, туристарҙы күберәк йәлеп итергә һәм был өлкәлә ҙур һөҙөмтәләргә өлгәшергә тырыша.

Конференция спикерҙары араһында Башҡортостан Хөкүмәте Премьер-министры, төбәктәге Евразия һәм Африка  халыҡтары ассамблеяһы вәкиллеге етәксеһе Андрей Назаров, БР Дәүләт Йыйылышы-Ҡоролтайҙың комитет рәйесе урынбаҫары Эльза Мансурова, төрлө министрлыҡтар, Нуриман һәм Ҡариҙел райондары хакимиәттәре вәкилдәре, тармаҡ эксперттары бар.

6+

Сығанаҡтар: https://mgazeta.com/news/novosti/2025-02-12/bashkiriya-soberet-semi-na-festivale-sport-liderstvo-molodezh-4118905

https://bashgazet.ru/articles/sport-m-turizm/2025-02-13/ail-l-r-s-n-sa-yu-va-i-a-k-t-l-4120067.