Һәр ғаиләгә файҙалы булыр

Ғаилә менән профессиональ фотоға төшөү, фотола матур сығыу өсөн өсөн етеҙ макияж һәм сәсте ҡарау зонаһы эшләйәсәк.

Был көндө  тематик ижади майҙансыҡтар ойоштороласаҡ.

Ата-әсәләр өсөн тәрбиә, сәләмәтлек темаларына  белгестәрҙең сығыштары ҡарала. Һәр төрлө оҫталыҡ дәрестәре ижади һәләттәрҙе үҫтерергә ярҙам итер. Үҫмерҙәрҙе борсоған һәм тулҡынландырған темаларға  сығыштар яңғырар. Ә кескәйҙәр күңелле уйындар менән мәшғүл булыр.  

Ғаилә йәрминкәһендә ҡунаҡтар 8 мартҡа бүләктәр һайлай аласаҡ. Төрлө әйберҙәр менән һатыу итеү, хеҙмәттәр күрһәтеү ойошторола. Ғаилә коллективтары ҡатнашлығындағы концерт  күңелдәрҙе асып ебәрер.  

Форум республиканың алдынғы белгестәре һәм ата-әсәләрҙең файҙалы аралашыу майҙансығына әйләнер тип көтөлә. Сарала балалы ғаиләләргә ярҙам менән шөғөлләнгән ойошмалар ҡатнаша.  Ойоштороусылар ҡунаҡтарын ул көндө иртәнге 10-дан көтә башлаясаҡ.

0+