“Ауаз” дуҫтарын йыя

26 апрелдә Илеш районында “Ауаз” башҡорт мәҙәниәте һәм заманса сәнғәт

күп жанрлы асыҡ фестивале үтәсәк.  

Сара ике турҙан тора. Беренсеһе – һайлап алыу туры, унда 15 апрелгә тиклем ебәрелгән видеоматериалдар ҡараласаҡ.

Икенсе тур беренсеһенең йомғаҡтары буйынса 26 апрелдә буласаҡ.

Фестивалдә «Бейеү коллективтары», «Вокаль коллективтар», «Инструменталь коллективтар», «Фольклор коллективтары», ҡулланма-биҙәү ижады буйынса конкурстар үтәсәк.

Фестивалдә һәүәҫкәр коллективтар, профессиональ башҡарыусылар, ғаилә династиялары, ҡулланма-биҙәү сәнғәте оҫталары ҡатнаша ала.

Ярыштар ике йәш төркөмөндә – 16 йәшкә тиклем һәм 16 йәштән өлкәндәр төркөмдәрендә үтә.  

Фестивалде БР Мәҙәниәт министрлығы, Республика халыҡ ижады үҙәге, Илеш районы хакимиәте ойоштора.

Беренсе тапҡыр “Ауаз” фестивале 2014 йылда үткәйне.

Сығанаҡ: Республика халыҡ ижады үҙәге.