Яҙғы боҙ мәкерле була

Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары иҫкәртә: яҙғы боҙ бик хәүефле. Аяҡ аҫтында көҙгө боҙ ватылырын шытырлап хәбәр итһә, мәкерле яҙғы боҙ тауыш-тынһыҙ ғына ишелеп төшә.

Байтаҡ ваҡыт көндәр йылы, һауа температураһы 0-дән юғары, шуға боҙ йылдам ирей, йоҡара. Һаҡ булығыҙ, боҙға төшмәгеҙ. Хәүефкә  тарығанда 112 телефон номерына шылтыратығыҙ.

Видеороликта ҡотҡарыусылар боҙло һыуға батҡан кешене алып сығыу  буйынса күнекмә үткәрә.