Балаларҙы беренсе синыфҡа яҙыу бара

“Дәүләт хеҙмәттәре” сайты аша 10,3 меңдән ашыу ғариза тапшырылған. Ведомство етәксеһе әйтеүенсә, кампанияның беренсе этабы — 1 апрелдән 30 июнгә, ә икенсеһе 6 июлдән һәм 5 сентябргә тиклем ойошторола.

«Беренсе этап мәктәпкә уҡырға инеү өсөн өҫтөнлөклө хоҡуҡҡа эйә булған балалар, шулай уҡ беркетелгән территорияла, йәғни мәктәп урынлашҡан районда йәшәгән балалар өсөн тәғәйенләнгән. Икенсе этап иһә беркетелгән биләмәлә йәшәмәгән балалар өсөн. Йәғни ошо этапта башҡа  райондың мәктәптәренә ғариза бирергә мөмкин», — тигән министр.

 БР дәүләт идараһын цифрлы үҫтереү министры Геннадий Разумикин мәғлүмәттәре буйынса, баланы 1-се синыфҡа яҙҙырыу йәһәтенән Өфө, Нефтекама, Салауат, Стәрлетамаҡ, Октябрьский, Сибай ҡалалары, Туймазы, Өфө, Ишембай һәм Бәләбәй райондары әүҙемлек күрһәткән.

Был хаҡта Башинформ хәбәр итә.

Баланы 1-се синыфҡа яҙҙырыуҙы ниҙән башларға белмәй торһағыҙ, ошонда бөтәһе лә тәфсилләп яҙылған.