“АМАНАТ”: донъя һәм ил чемпиондары килде

Турнирҙан төшөрөлгән фотоларҙа, иғтибар итһәгеҙ, ҡатнашыусылар тураһында буклеттар ҙа ята.  Улар – Башҡортостан, Рәсәй, халыҡ-ара турнирҙарҙа ҡатнашып, призлы урындар алып йөрөгән спортсылар  Софья Вәлишина, Сафия Танһыҡҡужина, Әхмәт Рәшит, Кәрим Рәшит. Сафия – донъя чемпионкаһы Тамара Танһыҡҡужинаның ҡыҙы. Ул да әсәһе кеүек донъя беренселектәрендә еңеүҙәр яулай.

***

"Турнирҙа ҡатнашырға теләгән һәр кем шашка буйынса донъя чемпионы Сафия Танһыҡҡужина, республика призерҙары София Вәлишина, Әхмәт һәм Кәрим Рәшиттәргә ҡаршы уйнаны. Уйындар бик ҡыҙыу барҙы, һәр еңелгән кешене йәки уйыны бер кемдең дә еңмәүе менән тамамланған уйынсыны башҡаһы алмаштырып торҙо. Шашка уйыны оҫталарын еңеүсе табылманы. Ошо турнирҙы ойошторорға ярҙам иткән "Башҡортостан" үҙәк шашка клубы директоры урынбаҫары Гөлназ Ғафир ҡыҙы Әхмәҙиеваға һәм йәш шашкасыларҙың тренеры Ольга Александровна Беллерға ҙур рәхмәтебеҙҙе белдерәбеҙ", - ти "Аманат"тың баш мөхәррире Сәлмән Ярмуллин.

Сәлмән Шакирйән улы шашка клубы тәрбиәләнеүселәренә, уларҙы алып килгән Гөлназ Ғафир ҡыҙы менән Ольга Александровнаға Рәхмәт кәлимәләре тапшырҙы һәм яңы еңеүҙәр теләне.

#КитапБайрамы_АманатЖурналы