+24 °С
Ямғыр
Яңылыҡтар
1 Июнь 2025, 07:46
"Китап Байрамы"нда һеҙҙе "АМАНАТ" көтә
Бөгөн “Китап Байрамы”на балаларҙы “Аманат” журналы редакцияһы көтә. “Йәншишмә” гәзите менән бергәләп шашка ярыштары үткәрәбеҙ. Һеҙҙең менән уйнарға “Башҡортостан” үҙәк шашка клубында шөғөлләнеүселәр килә. Блиц-турнирҙарҙа ҡатнашырһығыҙ! Чемпиондар әҙерләүсе клубтың тәрбиәләнеүселәре менән көс һынашырһығыҙ!
"Китап Байрамы"нда һеҙҙе "АМАНАТ" көтә
Викторинала ҡатнашып, Башҡортостан һәм “Аманат” журналы тураһында белемдәрегеҙҙе тикшерерһегеҙ. Рәссам Светлана Тарханова менән бергә таш ҡурсаҡтар биҙәрһегеҙ.
Шулай уҡ журналыбыҙға яҙылыусылар, кисәге кеүек, “Республика Башкортостан” нәшриәт йорто үткәргән приздар уйнатыуҙа ҡатнаша ала.
“Добрая подписка” акцияһы ла дауам итә. Мосолмандар өсөн мөһим һаналған Зөлхизә айында изгелек ғәмәле ҡылыу форсаты сығып тора. Етем балаларҙы 2025 йылдың икенсе яртыһына башҡортса баҫма бүләк итеп ҡыуандырыу сауаплы эш булыр.
