+24 °С
Ямғыр
Яңылыҡтар
2 Июнь 2025, 14:44
Илһөйәрҙәр, ижадкәрҙәр
1 июндә Өфөнөң Иван Якутов исемендәге паркында Халыҡ-ара балаларҙы яҡлау көнөнә ҡарата балалар Һәм үҫмерҙәр фестивале үтте. Уны Рәсәй «Беренселәр хәрәкәте»нең Башҡортостан бүлексәһе ойошторҙо һәм Еңеүҙең 80 йыллығына, шулай уҡ Ватанды һаҡлаусылар йылына арнаны.
Илһөйәрҙәр, ижадкәрҙәр
Фестивалдә Беренселәр хәрәкәтенең 6 йәштән 18 йәшкә тиклемге 300-ләп әүҙемсеһе ҡатнашты. Әҙәби-музыкаль акциялар, ветерандар менән осрашыуҙар, тантаналы шарттарҙа паспорт тапшырыу – бөтә саралар балалар һәм үҫмерҙәрҙә илһөйәрлекте нығытыуға йүнәлтелде.
“Бындай саралар патриотизмды нығыта, ижадкәрлекте арттыра һәм аралашыу мөмкинлеген тыуҙыра. Беренселәр фестивале ҡатнашыусыларҙың йөрәгендә онотолмаҫ хис-тойғолар һәм хәтирәләр ҡалдырыр тип ышанабыҙ”, – тине Башҡортостан Беренселәр хәрәкәтенең төбәк бүлексәһе советы рәйесе Ранис Хәсәнов.
Илһөйәрҙәр, ижадкәрҙәр
