Мин бала саҡта ағастан эшләнгән уйынсыҡтар яраттым

Әлбиттә, беҙ үҫкән саҡта ағастан ат  йәиһә  танк һымаҡ ҡына уйынсыҡтар яһап була ине. Бер нисә йыл элек үҙем өсөн генә ағастан башватҡыстар, кубик-рубиктар эшләп ҡараған инем. Хәҙер инде һатыу өсөн яһай башланым. Балалар өсөн зыянһыҙ, моториканы үҫтереү өсөн ҡулай был уйынсыҡтарҙы мин үҙемдең бала сағым менән илһамланып эшләйем. Һәм тағы ла шуны өҫтәп әйтәм: уйынсыҡтарҙы мин  буямайым. Әгәр буярға теләһәләр, балаларҙың фантазияһына ҡалдырам, - ти ағас уйынсыҡтар оҫтаһы Нәфис Әхмәтрәхимов.