+24 °С
Ямғыр
Яңылыҡтар
5 Июнь 2025, 15:30
Ҡурсаҡ башҡортса һөйләшә
Өфө оҫтаһы Руфия Ханова башҡорт телендә һөйләшкән үҙенсәлекле ҡурсаҡтар коллекцияһын тәҡдим итте. Бынан алты йыл элек, бәләкәй ҡыҙы менән балалар майҙансығына сыҡҡас, ошо эшкә тотонорға була, сөнки хәҙерге балаларҙың башҡорт телен бөтөнләй белмәгәнлегенә инана.
Ҡурсаҡ башҡортса һөйләшә
Балаһы уйнағанда туған телендә һөйләшкәнде ишетһен, туған телендә теле асылһын өсөн, иң тәүҙә бер нисә уйынсыҡты тауышландырырға ҡарар итә.
Был фекер уның дуҫтарына ла оҡшай, артабан башҡорт телендә һөйләшкән генә түгел, ә йырлаған ҡурсаҡтарҙы ла һорай башлайҙар.
– Мин ҡурсаҡтарҙы дуҫым менән эшләйем. Беҙ әҙер ҡурсаҡтарға үҙебеҙ теккән башҡорт костюмдарын кейендерәбеҙ, улар өсөн милли биҙәүестәр эшләйбеҙ. Ҡурсаҡтың корпусына тауыш модулен һалабыҙ. Тауышты ла әҙерләргә кәрәк – фразаларҙы, куплеттарҙы яҙып алырға, эшкәртергә, – ти Руфия Ханова
Шуныһы ҡыҙыҡ: уның төп һөнәре ижадтан алыҫ, ул бухгалтер булып эшләй. Оҫтаның төп эше – әлбиттә, әсәй булыу, Руфия ханым өс бала тәрбиәләй.
Фестивалдең матбуғат хеҙмәте.
