+24 °С
Ямғыр
Яңылыҡтар
6 Июнь 2025, 07:49
“Союзмультфильм” майҙансығында ҡыҙыҡтар күп
“Әйҙә уйнарға” фестивале асылғандан алып “Союзмультфильм” майҙансығы эшләй. – Уйындар һәм йәнһүрәттәр бала саҡтың иң гүзәл мәлдәренә инә, «Әйҙә уйнарға» фестивале ошо компоненттарҙың икеһен дә берләштерә, – ти «Союзмультфильм»дың генераль директоры Борис Машковцев. – Беҙ был сараның бер өлөшө булыуыбыҙға шатбыҙ, сөнки геройҙарыбыҙ балаларҙы һәм ата-әсәләрҙе, төрлө ҡалаларҙы ярата, илдәрҙе һәм хатта континенттарҙы берләштерә. Беҙҙең киностудия үткәргән саралар фестивалдең бер ҡунағын да битараф ҡалдырмаҫ, тип ышанам.
“Союзмультфильм” майҙансығында ҡыҙыҡтар күп
Кисә «Союзмультфильм» майҙансығында ҡунаҡтарҙы дуҫтары менән бергә Винни-Пух ҡаршылағайны. Майҙансыҡтағы оҫталыҡ дәрестәре «Әкиәттә ҡунаҡта» тигән анимация программаһы менән тамамланды.
6 июндә майҙанға Арыҫлан балаһы менән Кеша килде. Төрлө оҫталыҡ дәрестәре, анимация буйынса дәрестәр һәм феррлинг техникаһында ижад итеү бара. Программала шулай уҡ пазлдар йыйырға,гигант кубиктар менән уйнарға мөмкин.
7 июндә ҡунаҡтарҙы Матроскин һәм Шарик ҡаршы аласаҡ. Почтальон Печкин менән Федорҙың «Простоквашино» йәнһүрәте мотивтары буйынса үткәрелгән квизы балалар өсөн тотош бер ваҡиға булмаҡсы.
8 июндә, фестивалдең һуңғы көнөндә, "Союзмультфильм" бөтә геройҙары менән осрашыуҙар бүләк итә. Программала беләҙектәр үреү, мунсаҡ һәм брошкалар эшләү, шулай уҡ “Музыка буйынса йәнһүрәтте таны” тигән музыкаль квиз үткәреү ҡаралған.
“Союзмультфильм” майҙансығында ҡыҙыҡтар күп
