«Төньяҡ балҡышы» балалар конкурсына йомғаҡ яһанылар

– Еңеүселәрҙе бүләкләүҙең нәҡ  «Әйҙә уйнарға» фестивалендә үтеүе шатландыра. Беҙ бөтәбеҙ ҙә бала саҡ иленән, беҙ уйнайбыҙ, ғәжәпләнәбеҙ икән – тимәк,  күңелебеҙ тере. Һүрәт төшөрөүҙән, ижад итеүҙән айырылмағыҙ, – тине Өфөнөң Йәмәғәт палатаһы секретары Әнүәр Байков.

Ул махсус хәрби операциялағы һәр подразделениела балалар рәсемдәре һәм хаттары эленгән тотош стеналар  барлығы тураһында һөйләне. «Патриотизм эштәр аша күренергә тейеш. Ә һеҙҙең һүрәттәрегеҙ, фронтҡа  яҙған хаттарығыҙ – бәләкәс кенә булһа ла һеҙҙең эштәрегеҙ», – тине Байков конкурсанттарға.

«Төньяҡ балҡышы» балалар сәнғәт мәктәптәре, ижади түңәрәктәр һәм балалар баҡсалары тәрбиәләнеүеләрен йәлеп итте.  Конкурсҡа 150-ләп эш килде.