Дамир мәктәпкә бара

Ҡаһармандарҙың балалары үҙҙәрен етем тоймаһын ине. Шуны уйлап, Башҡортостан Башлығы Радий Хәбиров урындағы хакимиәттәр етәкселәренә МХО-ла йөрөгән яугирҙәрҙең һәм һәләк булғандарҙың уҡырға төшәсәк балалары тураһында хәстәрлек күрергә  тәҡдим иткәйне.

Мәләүез район хакимиәте башлығы Зәбир Ғабдуллин буласаҡ уҡыусы Дамир менән осрашҡан, ғаиләһе менән һөйләшкән, малайға мәктәп кәрәк-ярағы тулы рюкзак бүләк иткән һәм 1 сентябрҙә Дамирҙы мәктәпкә оҙатырға киләсәге тураһында әйткән.

“Беҙҙең республикала һәйбәт йола барлыҡҡа килде – был тулҡынландырғыс көндә МХО ҡатнашыусыларының балалары менән булыу һәм тәүге нәсихәттәрҙе биреү. Йәнә балаларҙы мәктәпкә әҙерләү. Беҙ балаларҙы үҙебеҙҙекеләргә һәм ситтәргә бүлмәйбеҙ. Бөтә балалар ҙа беҙҙеке”, – ти Зәбир Ғабдуллин.

Сығанаҡ: Башинформ.