Башҡортостандың йәш уҡсылары Ҡаҙағстандағы ярышта ҡатнашты

Республикабыҙҙың үҫмерҙәр командаһы икенсе урынды яулаған. Ауырғазы районынан Батырхан Ғайсин 13–15 йәшлектәр араһында бронза миҙаллы булған. Бишбүләк районынан Гүзәл Буранғолова 16–17 йәшлек ҡыҙҙар араһында көмөш миҙал яулаған.

Йәш уҡсылар Фәим Ғайсин һәм Рәйес Низаметдинов етәкселегендә күнегә. Спортсыларҙың да, тренерҙарының да, ата-әсәләренең дә тырышлығы бушҡа китмәгән.

Был хаҡта Ауырғазы районы башлығы Арыҫлан Шәһәретдинов хәбәр иткән.

Сығанаҡ: Башинформ.