Балаларҙың тештәре һау булһын!

Былтыр ошо программа буйынса 16 мәктәптәге стоматология кабинеты яңыртылған, быйыл тағы 8 кабинетты яҡшырталар. Йыл аҙағына тиклем улар эшләй башлаясаҡ

2020 йылда һатып алынған “Толпар” балалар күсмә стоматология комплексы ла йәш быуындың сәләмәтлеге һағында эшләй. Биш йыл эсендә Өфөнөң 3-сө балалар стоматология поликлиникаһы табиптары ошо “Толпар” менән тотош республиканы урап сыҡҡан, балалар социаль учреждениеларында булған, төпкөл төбәктәргә барып еткән. 13 меңләп баланың тешен дауалағандар, шул иҫәптән – 3 меңләп МХО-ла ҡатнашыусылар балаларын һәм үҙенсәлекле балаларҙы.

Башҡортостан стоматологтары Луганск Халыҡ Республикаһының Красный Луч ҡалаһына ла юлланған, унда 1,8 мең баланы ҡабул иткән.

Был хаҡта Башҡортостан Башлығы Радий Хәбиров һөйләгәйне. “Балаларҙың йылмайыуы – иң мөһиме. Был йылмайыуҙар сәләмәт булһа, икеләтә яҡшы. Беҙ, өлкәндәр, Башҡортостанда нәҡ шулай булһын тип тырышабыҙ”, – тигән ул.

Фото: Радий Хәбировтың социаль селтәрҙәге аккаунтынан.

Сығанаҡ: Башинформ.