Руль артындағы үҫмерҙәр һәләкәттәргә тарый

Бөгөн таңғы 4-тә Өфөнөң Юғары вольтлы урамында “Дэу Нексиа”  автомобиле ағасҡа бәрелгән.

Руль артында колледж уҡыусыһы булған. Ул ауыр йәрәхәттәр менән дауаханаға оҙатылған.

Өс көн элек Стәрлетамаҡта ВАЗ-2107 аварияға осрағайны. “УАЗ Патриот” менән бәрелешеп, ВАЗ-дың 17 йәшлек водителе урынында уҡ һәләк булғайны, ә 16 йәшлек пассажиры ауыр йәрәхәттәр менән дауаханаға оҙатылғайны.

Йүнләп машина йөрөтә белмәгән үҫмерҙәрҙең таныҡлыҡһыҙ руль артына ултырыуы  арҡаһында һәләкәт осраҡтары бик йышайып китте.

Башинформ таҫмаһынан.

ДАИ видеояҙмаһы һәм фотоһы.