2026 йылда вуздарҙа түләүле урындар кәметеләсәк

Был турала Рәсәй Фән һәм юғары белем министры Валерий Фальков һөйләгән. Юғары белем биреүҙең 40-лаған – башлыса иҡтисад, менеджмент, дәүләт һәм муниципаль идаралыҡ, юриспруденция, реклама һәм йәмәғәтселек менән бәйләнештәр – йүнәлешендә студенттарҙы ҡабул итеү ҡыҫҡартыла.

"Беҙ был йүнәлештәргә ҡабул итеүҙең артыҡ күп булыуын күрҙек, хеҙмәт баҙарына иһә ул тиклем күп белгес кәрәкмәй. Һәм был – беҙҙең мәктәп уҡыусыларына киләсәккә һөнәрҙәрҙе дөрөҫ һайларға тигән ишара ул. Һуңғы 3 йылда инженер-техник һөнәрҙәргә һәм йүнәлештәргә ҡыҙыҡһыныу арта. Мәҫәлән, быйыл юғары уҡыу йорттарында „машиналар эшләү“ программаһы ҙур популярлыҡ менән файҙалана — күп кенә юғары уҡыу йорттары үҙендә ошо йүнәлеш буйынса белгестәр әҙерләргә теләй. Дөйөм алғанда, түләүле уҡытыуҙы көйләү хеҙмәт баҙарының ихтыяждарын мөмкин тиклем ҡәнәғәтләндереүгә йүнәлтелгән», – тигән Фальков.

Сығанаҡ: Башинформ.