Иҫке төрки буйынса әсбап сыҡҡан

Иҫке төрки теле ХХ быуаттың 30-сы йылдарына тиклем төрки телдәренең байтағы өсөн уртаҡ була. Әсбап иҫке төрки яҙмаһы менән үҙ аллы танышыу мөмкинлеген бирә. Яҙылышы менән ғәрәп-фарсы яҙмаһына нигеҙләнгән иҫке төрки алфавитын белеү архивтарҙа һаҡланған тарихыбыҙҙы өйрәнеү өсөн дә бик файҙалы.

Китапты Ш. Вәлиев, И. Сәйетбатталов, И. Байғужин, И. Миңлебаев, Ю. Куряевтан торған авторҙар төркөмө әҙерләгән.

Баҫманың ғәрәп телен өйрәнеүгә, дини белем алыуға ҡағылышы юҡ, ул донъяуи, мәҙәни-тарихи ҡулланма булып тора.

Сығанаҡ: Башинформ.