Толоп, быйма, шәл булһа, өшөтмәҫ

"Оҙон һарыҡ толобона уранып, олатайым өләсәйем менән санаға ултыра ла күрше ауылға китә торғайны. Бына ул ысын Яңы йыл йылыһы, бала саҡтан үҙ һәм таныш", – ти Күсемһеҙ мәҙәни мираҫты һаҡлау һәм файҙаланыу буйынса ғилми-етештереү үҙәге директоры Данир Ғәйнуллин, бала сағын иҫләп.

Күптәр саңғы алып килгән. Олатайҙарының, ҡарт олатайҙарының толоптарын, ҡыҫҡа тундарын кейеп алғандар. Бер кеше Бөйөк Ватан һуғышында йөрөп ҡайтҡан толопта килгән.

"Турахан" эргәһендәге байрамда толоплолар 1 километрға саңғыла йүгереп ярышты, иң шәп толопҡа, быймаға, тулы образға конкурстар булды. Милли уйындар уйнанылар, тәмле итеп сәй эстеләр.

Шишмә һәүәҫкәрҙәренең сығыштары йәм өҫтәне.

Сығанаҡ: Башинформ.