Башҡортостан юниорҙары Рәсәй беренселегендә алтын миҙал яулаған!

Һирәк осрай торған хәл булған: финалдағы бөтә туғыҙ алыш та Өфө спортсыларының еңеүе менән тамамланған.

Ярыш Орел ҡалаһында үткән. Беренсе команда дисциплинаһында, үҫмер егеттәрҙең рапирала ярышында, Башҡортостандың йыйылма командаһы ышаныслы еңеү яулаған. Еңеүселәр – Радмир Ғәләүетдинов, Әмир Фәхретдинов, Дәүләт Хәйретдинов һәм Ростислав Хамдамов.

Беҙҙең йәштәр Татарстан командаһын 45:14, Мәскәү өлкәһе командаһын – 45:31, Санкт-Петербургтың икенсе йыйылма командаһын 45:19, Курск командаһын 45:25 иҫәбе менән еңгән.

Сығанаҡ: Башинформ.