Бөрйәндә ДАИ 15 йәшлек үҫмерҙе эләктергән

"Иғтибар – балалар!" акцияһы барышында Бөрйәндә ДАИ хеҙмәткәрҙәре туғыҙынсы ВАЗ машинаһын йөрөтөп китеп барған малайҙы туҡтата.

Инспекторҙарҙы күреп ҡалған  үҫмер ҡапыл тормозға баҫа, артҡа сигенеп ҡасырға самалай. Тик тәжрибә юҡ бит инде – көрткә барып менә.

Әсәһен саҡырталар. Автомобилде штраф туҡталҡаһына оҙаталар. Материалдарҙы бәлиғ булмағандар эштәре буйынса комиссияға тапшыралар. Тикшереү тамамланғас, ата-әсәне дөрөҫ тәрбиә бирмәгән өсөн яуаплылыҡҡа тарттырасаҡтар.

Видео: БР ДАИ / телеграм

Сығанаҡ: Башинформ.