Хыялдар тормошҡа аша!

Өфөнән 10 йәшлек Богдан Әбилев быға ныҡлы ышана хәҙер.

Богдан самолеттарҙың осоп үткәнен күҙәтергә ярата, ләкин үҙенең бер ҙә осоп ҡарағаны юҡ. Уның бик ныҡ аэропортты ла күргеһе килә.

"Теләктәр шыршыһы" хәйриә акцияһы малайҙың хыялын тормошҡа ашыра. Башҡортостан Башлығы Радий Хәбиров малай өсөн хыялдарҙы үтәүсе тылсымсы була. Богдан аэропортҡа килә, осоштарға идара итеү урындарын ҡарап йөрөй.

Радий Хәбиров Богдандың әсәһе менән һөйләшә һәм, ғаилә алыҫ сәйәхәткә йыйынһа, ярҙам аласағын вәғәҙә итә.

Сығанаҡ: Башинформ.