Силәбе өлкәһендә башҡорт теле олимпиадаһы үткән

Силәбе өлкәһендәге башҡорт теле һәм әҙәбиәте буйынса олимпиада Сосновка муниципаль округының Сиреүсе ауылы мәктәбендә үткән. Унда алты муниципалитет уҡыусылары ҡатнашҡан.

Силәбе өлкәһе Мәғариф һәм фән министрлығы менән Башҡортостан Мәғариф министрлығы араһындағы килешеүҙе тормошҡа ашырыу йәһәтенән сара сиктәрендә балалар өсөн оҫталыҡ дәресе, ә уҡытыусылар өсөн һөнәри семинар ойошторолған.

Сиреүсе мәктәбе директоры Әлфиә Ҡотлоғужина, уҡыусыларҙы һәм уҡытыусыларҙы тел, тарих һәм мәҙәниәт тирәләй берләштергән саралар ил халыҡтары араһында үҙ-ара аңлашыуҙы яҡшырта, дөйөм Рәсәй граждандары булыуҙы тойоуға этәргес бирә, тигән.

Сығанаҡ: Башинформ.